En toz os territorios que han pasato ta ra Fase 2 ya ye posible ubrir bars y restaurans a o publico (malas que encara no discotecas y bars d’ozio nueiturno), pero aplicando una serie de midas que esplanicamos de camín.
O BOE publica ra “rezeta” que como ostelers y baristas somos artatos de “guisar” si queremos tornar ta ra nuestra autividat en ista fase. Parixe complicata pero, más que más, se resume en cuatre ingrediens basicos apañaus con muita prudenzia, sentiu común y rigor. Son istos:
1. Limpieza diaria y contina:
-Joriar o local a ro menos una vegata a o día ro tiempo sufizién ta que s’arrenueve tot l’aire.
-Limpieza y esinfezión de tot ro local, espezialmén as zonas d’uso común (con muito ficazio en os escusaus: cal reforzar a suya limpieza!), mesas, sillas y toda superficie de contauto, con produtos viruzidas autorizatos por o Menisterio de Sanidat u con deluzions de lexiva a o 50% paratas cada día. Tamién, d’as zonas privatas d’os treballadors: vestugarios, taquillas, escusaus, cozinas y árias d’escanso.
-Puestos de trabajo compartius por más d’un treballador: se limpiará y desinfestará dimpués de cada uso, sobre tot ro mobiliario y tot aquello que se pueda manipoliar.
-Emplego de mantels d’un solo uso porque no se pueden tornar a utilizar pa os siguiens cliens. Si no se puede, cal cambiar-los entre servizios y lavar-los en ziclos d’a lo menos 60ºC.
2. Cosas que cal meter:
-Dispensadors de chel hidroalcolico u desinfestán en a dentrada d’o local y a salida d’os escusaus. Y cusirar que no s’acotolen u s’estropizien!
-Endicar drento d’o local una endrezera pa privar para evitar arrunzatas y aprevenir o contauto entre cliens. No dandalemos en meter toz os cartels y siñals con retolicas y alcordanzas que sigan menister.
-Pantallas de protezión ta ros produtos que s’espongan (sempre en platos y/u dosis individuals) ta o publico.
-Compás entre as mesas u agrupazions de mesas: mínimo de 2 metros, tanto en terraza como en o interior d’o local.
- Papeleras (todas as que calgan) ta dixar moquers y toda menta de material destriable, que deberán seyer limpiatas frecuenmén, y a lo menos una vegata a o día.
3. Cosas que cal sacar:
-A barra u, millor dito, l’azeso d’os cliens ta ra barra pa servir-sen u fer-sen as suyas consumizions.
-As cartas u menús d’uso común, ofrexendo en puesto suyo dispositivos electronicos propios, pizarras, cartels y atros meyos semellans, pero denguna cosa que pase d’unas mans ta atras.
-Sacar “d’enmeyo” (u siga: ubicar lueñes de zonas de paso de cliens y treballadors) os elementos ausiliars d’o servizio, como a vaxiella, cristalería, cullaratería u mantelería, entre atros, que se almagazenarán preferiblemén en rezintos zarratos.
-Toz os produtos d’autoservizio como sarvilleters, caxetas de brecos, vinagreras, azeiteras, y atros rebles similars, priorizando monodosis destriables u o suyo servizio en atras farchas baxo demanda d’o clién.
4. Protezión de cliens y treballadors
-Limitazión de l’aforo de locals y terrazas a o 40% de l’abitual. Pero atenzión!: en Aragón ye premitito plegar dica o 50%.
-Como en tot espazio publico, observar cliens y treballadors as midas d’ichiene y compás sozial ya conoxitas.
-Lavau y esinfezión regular d’uniformes u ropa de treballo que faiga servir o presonal seguntes o prozedimiento abitual.
-Tirar de traza segura os materials y equipos de protezión usatos.
-Limitar l’azeso a os escusaus a una presona cada vegata, salvo en os causos de presonas que nezesiten asistenzia, en os que podrá achuntar-se un acompañante.
-Limitar a una presona (y solo que belatra más si entre ellas ye posible guardar un compar de 2 metros) o uso d’aszensors, en priorizando o uso d’as escaleras.
-Fomentar o bosamiento con tarxeta u atros meyos que priven o contauto fisico entre dispositivos, privando o dinero en efeutivo. Limpiar y esinfeutar o datafono y o TPV dimpués de cada uso si ro emplegato que l’usó no ye sempre o mesmo.
Bueno: isto ya ye bella cosa ta escomenzipiar. Faigamos-lo bien e iremos bien apriseta a muito millor.
Bon appetit!!!
Si amenestas más informazión u asistenzia:
delera@delera.eu / 618 52 92 66 (Pilar Villellas)